PINTAMOS OS ZAPATOS CONTRA A VIOLENCIA DE XENERO

 

DÍA DE ROSALÍA DE CASTRO

DÍA DOS DEREITOS HUMANOS

10 DE DECEMBRO CELEBRACIÓN DO DÍA DOS DEREITOS HUMANOS

 A Declaración Universal dos Dereitos Humanos ( DUDH) é un documento declarativo adoptado pola Asemblea Xeral das Nacións Unidas , o 10 de decembro de 1948 en París, que recolle os dereitos humanos considerados básicos. 

A comisión de Dereitos Humanos integrábana 53 países en representación de todas as rexións do mundo. 

A DUDH (Declaración Universal dos Dereitos Humanos) componse dun preámbulo e trinta artigos, que recollen dereitos de carácter civil, político, social, económico e cultural. 

Os dereitos humanos son aquelas liberdades, facultades, institucións ou reivindicacións relativas a bens básicos que inclúen a toda persoa, polo simple feito da súa condición humana, para a garantía dunha vida digna. 

Son independentes de factores particulares como o status, sexo, orientación sexual, etnia ou nacionalidade; e son independentes ou non dependen exclusivamente do ordenamento xurídico vixente. 

Por definición, o concepto de dereitos humanos é universal e igualitario . Un dos documentos máis antigos que se vincularon cos dereitos humanos é o Cilindro de Ciro, que contén unha declaración do rei persa Ciro o Grande tras a súa conquista de Babilonia en 539 a. C. Foi descuberto en 1879 e a ONU traduciuno en 1971 a todos os seus idiomas oficiais. Foi valorado positivamente polo seu sentido humanista e mesmo llo describiu como a primeira declaración de dereitos humanos. 

Algúns dos dereitos humanos extraídos deses 30 artigos son: • Todos os seres humanos nacen libres e iguais. 

• Todas as persoas teñen dereito e liberdade sen distinción de raza , cor , sexo, relixión , opinión política, nacemento ou calquera outra condición. 

• Dereito á vida , á liberdade e á seguridade. • Ninguén estará sometido a escravitude nin servidume. • Todos somos iguais ante a lei . 

• Toda persoa ten dereito a ser oída publicamente por un tribunal independente e imparcial. • Toda persoa ten dereito a que se lle declare inocente ata que non se demostre a súa culpabilidade. 

• Toda persoa ten dereito a circular libremente. • Dereito a buscar asilo e a gozar del en calquera país. • Dereito a unha nacionalidade. 

• Dereito a fundar unha familia. 

• Dereito á propiedade individual e colectivamente. 

• Dereito á liberdade de pensamento, conciencia e relixión. 

• Dereito á liberdade de opinión e expresión. 

• Liberdade de reunión e asociación pacíficas. 

• Dereito a participar no goberno do seu país individualmente ou por medio de representantes libremente escollidos. 

• Dereito ao traballo. 

• Dereito ao descanso e goce do tempo libre. 

• Dereito a un nivel de vida adecuado. 

• Dereito á educación.

A CONSTITUCIÓN ESPAÑOLA

España é un estado democrático organizado e regulado por unha constitución.

Despois das eleccións xerais de 1977, as primeiras ocorridas en España logo dunha época de ditadura ; unha das tarefas principais das cortes foi a elaboración da constitución. 

A constitución española data desde o ano 1978 e é a norma á que están suxeitos os poderes públicos e os cidadáns españois. 

Contén 169 artigos. 

Ratificouse( aprobou) en referendo o día 6 de decembro de 1978, transformando o goberno de España como un estado social e democrático de dereito e baixo a forma política de monarquía parlamentaria. 

Desde aí cada 6 de decembro é un día de celebración nacional.

Proclama: 

• Un estado social e democrático de dereito . 

• Como valores superiores de ordenamento xurídico a liberdade, a xustiza ,a igualdade e o pluralismo político . 

• Afiánzase no principio de soberanía popular . 

• Establece a monarquía parlamentaria como forma de goberno. 

• Establece unha organización territorial baseada na autonomía de municipios , provincias e comunidades autónomas. 

• O rei é o xefe do estado , pero sen poder de decisión , dependendo do partido de goberno. 

• Permite a elección por sufraxio universal ( votacións coa maioría de idade aos 18 anos) dos representantes do pobo . 

• As cortes teñen dous cámaras o congreso dos deputados e o senado . Ambas comparten o poder lexislativo (goberno) , aínda que existe unha maior importancia do congreso dos deputados que son responsables exclusivos da investidura do presidente do goberno. 

• O poder xudicial recae só nos xuíces e no consello xeral do poder xudicial é o seu máximo órgano de goberno . 

O tribunal constitucional controla que as leis e a actuación da administración pública axústense á Carta Magna. 

A constitución española é unha constitución escrita e ríxida, non se pode modificar . Pode ser adaptada ás novas realidades sociais sen interromper a súa continuidade. 

A constitución establece que o estado se organiza en divisións territoriais;

• comunidades autónomas
• provincias
• municipios

O poder do estado reside nos cidadáns aos que representa e ten tres poderes independentes:

1. Lexislativo; elabora e aproba as leis. Reside nas Cortes (congreso e senado
2. O poder executivo: aplica as leis: exerceo o goberno elixido polos cidadáns
3. Poder xudicial: fai cumplir as leis e reside nos tribunais de xustiza

DIA INTERNACIONAL CONTRA A VIOLENCIA DE XÉNERO

25 de novembro de 2017 : Día internacional contra a violencia de xénero.